O Rácing busca lograr un respiro no Sardinero, campo inexpugnable desde marzo
O equipo de Parralo leva tres xornadas seguidas sen gañar
Jon García: "Non hai que preocuparse nin empezar a dubidar"
O Rácing de Santander suma un total de cinco vitorias e un empate en seis encontros disputados no seu feudo
O Rácing de Ferrol leva tres partidos sen gañar. Empatou co Cartaxena e o Eldense e perdeu en Valencia co Levante. Desde o equipo, Jon García manda unha mensaxe de tranquilidade.
"Non hai que preocuparse nin empezar a dubidar".
"O equipo xera ocasións, fai dano. Fáltanos mellorar nas saídas".
O Rácing gañou como visitante na primeira xornada. Despois sumou dous empates e tres derrotas seguidas.
Ademais, desde hai 21 anos non conseguen gañar os ferroláns a domicilio ao seu homónimo de Santander. Fíxoo cunha xogada maxistral de Grozdic, nunha tempada de moi bo recordo para os seus afeccionados xa que conseguiron terminar a liga nunha meritoria novena posición.
Ese mesmo ano tamén é de grato recordo para o Rácing de Santander, xa que conseguiu o ascenso a Primeira División.
Na actualidade, a escuadra cántabra non perde como local desde o pasado 25 marzo ante o Levante e esta tempada suma un total de cinco vitorias e un empate en seis encontros disputados no seu feudo.
