O Pontevedra, incapaz de manter a vantaxe no campo do cabeiro (3-1)
O Pontevedra, incapaz de manter a vantaxe no campo do cabeiro (3-1)
O Covadonga, que non gañara ningún partido como local en toda a temporada, remontou o tanto inicial de Samu Mayo
Tropezo de consideración do Pontevedra no campo do Covadonga. Despois de once xornadas sen perder, caeu o cadro pontevedrés ante un rival que non dera gañado ningún partido como local no que levamos de temporada.
Comezou do mellor xeito o partido para o equipo de Yago Iglesias. Aos 33 minutos facía o máis complicado, adiantarse cun tanto de Samu Mayo. Ata o descanso todo ía sobre rodas, pero na segunda parte torceuse o encontro.
Un penalti cometido por Chiqui transformouno Menéndez no gol do empate. Era o minuto 57. Ata o 70 non volveu moverse o marcador e foi o dianteiro local Vicente o que superou a Edu Sousa. Aínda quedaba outra sorpresa en forma de penalti cometido por Mario Gómez e transformado por Asier.
