O "camiño violeta" une a Poio e a Pontevedra na denuncia da violencia machista
O "camiño violeta" une a Poio e a Pontevedra na denuncia da violencia machista
Unhas 200 persoas participaron no Camiño Violeta, que saíu do concello de Poio e rematou no de Pontevedra
A iniciativa promovida pola Asociación de Amigos de Pontevedra lembrou as vítimas da violencia machista
Arredor das nove da mañá preto de duascentas persoas arrancaban camiño. Os primeiros quilómetros da ruta discorreron polo concello de Poio. A Asociación de Amigos de Pontevedra
é a responsable desta iniciativa que chega á súa terceira edición.
"Este ano fixémola conxuntamente co concello de Poio e de Pontevedra e fixémola para concienciar a ver se esta lacra se acaba dunha vez pero xa, porque cada vez son máis mortes e cada vez colle menos sentido", di Francisco Pérez, da Asociación de Amigos de Pontevedra.
A memoria das vítimas da violencia machista guiou os camiñantes nun percorrido sinalizado con frechas violetas cos seus nomes.
"Oxalá non houbera tantas porque hai 54 frechas por cada muller e neno vítima de violencia vicaria".
"Temos que pórlle freo".
"Levo no bastón o nome de todas as asasinadas, a ver se para o ano non houbera", comentan varias camiñantes.
Un bastón gravado cos nomes das mulleres asasinadas foi pasando de man en man ata chegar ao embarcadoiro de Lourido. Tres barcas a remo encargáronse de levalo ata Pontevedra, onde se desenvolveu a última etapa deste "Camiño Violeta".
_frame_5592.png)
