Cargando resultados...
8.135 euros polo primeiro lote de meixón da tempada en Asturias
8.135 euros polo primeiro lote de meixón da tempada en Asturias
É un novo récord histórico
![Houbo aplausos na lonxa de Ribadesella polo novo récord do meixón](https://img-g24-crtvg.flumotion.com/prog24/2023/20231110/colSUBASTAMEIXONASTURIAS_frame_0.png)
G24.gal
10/11/2023 21:22
Última actualización 10/11/2023 21:33
Os asistentes irromperon en aplausos ante o prezo que marca un novo récord histórico de prezo do primeiro meixón da temporada en Asturias.
Nada menos que 8.135 euros polo primeiro lote dun quilo 295 gramos, oitocentos cincuenta e cinco máis que o récord do ano pasado que pagou a mesma empresa de restauración. Levou máis lotes, a maior parte para preparar no seu restaurante de Cangas de Onís.
A campaña comezou este xoves e nesta primeira poxa, houbo vinte quilos de meixón que se repartiron nunha ducia de lotes para outros tantos compradores. O seguinte xa baixou a 2.300 euros e o que menos custou foron 670.