Xosé Manuel Méndez: "O meu pai era un máis, fotografaba desde a complicidade"

Nunha sociedade que se trasformaba a finais dos anos cincuenta e dos sesenta, afortunadamente Edelmiro Méndez retratou coa súa KODAK Retina a realidade. Agora, esas imaxes Da terra que fomos recóllense neste libro de Editorial Canela que se publica, en boa medida, grazas ao empeño de Xosé Manuel Méndez, fillo de Miro de Xanuco, o fotógrafo da Pontenova. Son 219 fotografías que dan testemuño histórico, etnográfico e documental, que rexistran desde a complicidade, os ciclos vitais das persoas, os traballos colectivos ou as festas.