Felipe Criado: "Unha soa disciplina non é capaz de dar respostas"

Felipe Criado Boado podería ser pintor, coma o seu pai, pero foi arqueólogo, profesor de investigación do CSIC e director do Instituto de Ciencias do Patrimonio do CSIC. Un arqueólogo que creou e consolidou novas liñas de traballo que van desde a arqueoloxía da paisaxe ata a súa contribución innovadora en terreos multidisciplinares coma a cognición.

O Ministerio de Cultura acaba de recoñecer o seu labor co Premio Nacional de Investigación Ramón Menéndez Pidal na área de Humanidades.