O Goberno reducirá o número de alumnos por aula e o horario dos profesores

O ministerio de Educación prevé reducir o número de alumnos por aula, de 25 a 22 en primaria e de 30 a 25 en secundaria, e diminuír a carga lectiva do profesorado ata un máximo de 23 horas semanais en Primaria e 18 en Secundaria. Ademais, o alumnado con necesidades educativas especiais computará como dobre praza.

O anteproxecto de lei de Educación que aprobou este martes o Consello de Ministros reflicte eses axustes, con previsión de que entren en vigor o vindeiro curso académico 2026/2027.

A ministra de Educación, Formación Profesional e Deportes e portavoz do Goberno, Pilar Alegría, compareceu en rolda de prensa para explicar os acordos adoptados tras a xuntanza semanal do Consello de Ministros.

Alegría detallou que algunhas comunidades autónomas xa traballan con ese esquema horario para o corpo docente, que foi unha suxestión que se comunicou en 2019.

Segundo a voceira do Goberno, a presente é a "lexislatura do profesorado" e con estas medidas a pretensión é tamén outorgar un "recoñecemento" o profesorado e docentes.

A ministra expresou o seu desexo de que estas medidas logren un "apoio xeneralizado" porque "todos queremos mellorar o sistema educativo e a atención os estudantes" e avanzou unha fase de diálogo coas comunidades autónomas e as mesas sectoriais.