Xornada de vacinación nos grandes recintos para todos os grupos de idade
Xornada de vacinación nos grandes recintos para todos os grupos de idade
No Gaiás, en Compostela, están citadas unhas dúas mil persoas maiores de 18 anos
Estase a administrar a dose de reforzo
O domingo continúa a vacinación dos nenos de entre 5 e 11 anos
Con gran parte da poboación vacinada en Galicia, os grandes recintos están a administrar este sábado a dose de reforzo aos que non puideron acudir no seu momento co seu grupo de idade.
Tamén están abertos para aqueles que aínda non puxeron a primeira ou a segunda dose e mañá continuará a vacinación dos cativos de entre 5 e 11 anos.
Excepto no caso dos cativos, a vacinación en Galicia está xa nun punto de segundas oportunidades para todos os grupos de idade a partir dos 18 anos.
No Gaiás, en Compostela, este sábado están citadas unhas dúas mil persoas, mil pola mañá e outras mil pola tarde. Os convocados están a recibir a terceira dose, que por diversos motivos foron atrasando.
O domingo apárcanse as segundas oportunidades e continúa a vacinación dos nenos de 5 a 11 anos.
"Están citados uns 1.500 nenos pola mañá e outros 1.500 cativos pola tarde para completar a primovacinación, da primeira dose que se lles puxo no mes de decembro", di Ismael Busto Castaño, membro de equipo de coordinación da vacinación na Cidade da Cultura.
