Xornada de portas abertas na Comandancia Naval do Miño polo día da Hispanidade
O destacamento ten 160 anos de historia, desde que España e Portugal decidiron establecer que o río fose fronteira nun treito de 77 quilómetros
O patrullero Cabo Fradera é a segunda embarcación máis antiga da Armada despois do buque escola Juan Sebastián Elcano
Co gallo do día da Hispanidade, algúns centros dos corpos e forzas de seguridade aproveitan para amosar ao público o servizo que ofrecen á sociedade. É o caso da Comandancia Naval do Miño, en Tui, que leva século e medio presente no río e hoxe quere amosar os seus recursos e o seu cometido.
En 1864 os dous países asinaron o tratado de límites, entre os que fixaron o río Miño como fronteira nun treito de 77 quilómetros. Dende entón o río é vixilado por buques da Armada.
"A raíz dese acordo houbo unha serie de conflitos entre os pescadores de ambas os dous lados do río e pouco despois concretouse a despregadura de dúas unidades da Armada portuguesa e española para manter a orde e o cumprimento dos acordos" conta Víctor García Pozuelo, aapitán de Corbeta e Comandante Naval do Miño
Dende o ano 1963 quen fai ese labor de vixilancia e inspección é este patrulleiro de vixilancia interior, o Cabo Fradera. Conta cunha dotación de sete persoas e patrulla quince días ao mes en zonas concordadas coa armada portuguesa.
"Son unhas dimensións pequenas, 17 metros de eslora pero o máis importante é que ten menos dun metro de calado, o que lle permite navegar con certa solvencia por esta zona." engade Ignacio Grueiro Mendez, tenente de navío e comandante do patrulleiro
É visible a súa rpesenza no Miño, pero non tan coñecida a súa función concreta, sobre a que aínda persisten tópicos relacionados con outras épocas.
"Pregunteille , esto é para controlar o contrabando. e díxome que non , que aquí xa non hai contrabando ningún , que é máis para ver que non pescan máis do que non deben.", releva un dos visitantes.
Outros delitos e infraccións son perseguidas pola dotación do patrulleiro, especialmente agora que os recursos pesqueiros do Miño están indo a menos.
"O prezo da angula o ano pasado superou os 600 euros o quilo. Ao ser un recurso tan sustancioso dá pé a unha explotación furtiva que nos obriga a redobrar os esforzos." afirma Víctor García Pozuelo, capitán de Corbeta e Comandante Naval do Miño
As portas da comandancia estarán abertas toda a fin de semana.
