Xavi Hernández recúa e seguirá no Barcelona ata o ano 2025

O Barcelona confirmou este mércores a continuidade de Xavi Hernández como adestrador ata o mes de xuño de 2025 despois dunha xuntanza no domicilio particular do presidente Joan Laporta e toda a cúpula deportiva.

A nova foi adiantada polo xornal Mundo Deportivo e logo confirmada polo club. Na continuidade do adestrador establécense unha serie de condicionantes que serán aclarados polo presidente Laporta nunha comparecencia prevista para este xoves cos medios do club.