Volve a neve a Pedrafita do Cebreiro en plena primavera

Hai que abrigarse ben para soportar o frío que vai este sábado no Cebreiro. O poboado acolle a visita dun grupo de excursionistas procedentes de Noia, que se viron sorprendidos pola neve. 

O frío é o prezo que hai que pagar por gozar desta estampa que lembra o inverno, aínda que estamos en primavera. 

Sorprende que a montaña presente este manto branco, pero nos últimos tempos é do máis habitual. A nevarada chega con atraso pero, coma sempre, segue atraendo moitos visitantes.