Villares "quere dar un pasiño adiante" como o equipo

Diego Villares ten claro que o obxectivo do ascenso é prioritario para a próxima tempada. Tras asentarse en Segunda División, o Deportivo quere seguir avanzando da man dos seus mellores xogadores.

"Esta última tempada podería definirse como a tempada do equipo. Xa estou adaptado á categoría e quero dar un pasiño adiante como o equipo", afirmou o capitán branquiazul

Cuestionado directamente polo ascenso, evitou pronunciar sequera esta palabra, do mesmo xeito que xa fixera Antonio Hidalgo na súa presentación.

"Iremos vendo durante a tempada se dá para iso ou non", resolveu.

Nas primeiras xornadas de pretemporada o novo técnico está a insistir, segundo explicou Villares, no traballo con balón e a saída desde atrás.

"Levamos catro días e non deu tempo a traballar todo. Iremos vendo tamén nos partidos, pero a idea é clara na saída de balón, que é o que puidemos traballar ata o de agora", sinalou o centrocampista, de 29 anos

Villares afronta a súa cuarta tempada e media como xogador do primeiro equipo.