Vigo e a súa área suman 354 casos novos
Hai 6 persoas máis hospitalizadas en planta e 3 menos na UCI
4.478 casos activos na área sanitaria de Vigo
"No hospital as cousas están un pouco mellor, iso é certo, pero segue habendo moita xente que non saíu da casa, que seguiu todas as precaucións e que aínda así pode que morra, é unha inxustiza", apunta María Valeiras, auxiliar de enfermería
A situación na área de Vigo é preocupante. De seguir así, mañá baterá o seu propio récord de contaxios, superará os 4.684 que se rexistraron o 1 de agosto, cando se alcanzou o maior pico dende que comezou este pesadelo.
"Coa aglomeración que houbo estes días é lóxico porque non todo o mundo cumpre as normas. A xente quere máis ou menos normalizar a vida, o comercio necesita traballar para vivir pero creo que se podería compaxinar doutra maneira", comenta un veciño de Vigo.
"De noite cando a iluminación, iso dá medo", fala outro.
Estas datas son propicias para favorecer a propagación. Hoxe a área de Vigo sumou 354 novos casos, case todos eles vencellados a gromos familiares.
"Eu entendo que pode parecer unha falta de liberdade que non che deixen facer certas cousas que antes si, pero a clave de todo isto é poder volver facelas", continúa María Valeiras, auxiliar de enfermería.
O Porriño e Moaña son os concellos da área coas incidencias máis altas. Tamén preocupa Vigo que sumou máis de 1.200 casos nesta última semana.
