Vehículos atrapados en lugares insólitos

Por descoñecemento do lugar, por descoido ou por fiarse do navegador, o certo é que cada vez son máis os turismos que acaban en lugares do máis insólito. E o habitual é que lle pase a xente de fóra. As escaleiras son xa un clásico. Este quedou atascado na escalinata da ermida da Guía en Vigo. Era de portugueses, como o que rematau nas da praza das Mercedes de Ourense

 "Empezaron a vir portugueses, portugueses e portugueses. Chegaron aquí como oito ou nove e empezaban a dicir: "Dous mil quilos, empuxámolo", relata unha veciña.

Empuxaron e, malia o arriscado da operación, dérono sacado. Estoutras imaxes son en Pontevedra.

"Ao final é sempre a mesma historia coches que veñen con xente de fóra, normalmente, meten o GPS e indícalles saír por aquí", apunta un hostaleiro de Pontevedra.

E que dicir dos camiños estreitos, onde quedan coches e camións totalmente encaixados. Difícil avanzar, retroceder e mesmo saír do vehículo. Un quedou atrapado nunha pasarela peonil de madeira en Catoira. Por sorte non lle afectou a suba da marea que tantos disgustos deu a moitos condutores.

O dono doutro coche marchou á praia de Panxón, tan tranquilo. No aparcadoiro das Corbaceiras en Pontevedra, xa perderon a conta dos coches que levou o mar.

Outro que caeu en Burela levaba unha moza dentro. Había pouca profundidade e todo quedou nun susto. Outros non correron a mesma sorte. Hai veráns en que os guindastres non dan abasto.