Veciños da Zapateira alertan de novos intentos de roubo dun sexaxenario con boa apariencia

Nas urbanizacións da Zapateira, ás aforas da Coruña, a presenza do ladrón sesaxenario xa non pasa desapercibida. A súa fotografía foi distribuída a través do grupo da asociación veciñal alertando de recentes intentos de roubo.

Pola súa aparencia, ninguén desconfiaría del polo que algúns veciños novos na zona mesmo chegaron a abrirlle a porta.  Ten arredor de 65 anos, vai ben vestido e habitualmente é educado.

Os veciños aseguran que non é a primeira vez que actúa na zona.Malia que foi detido en varias ocasións,  e o seu historial delitivo suma 110 delitos, os roubos que comete non pasan de ser furtos xa que nunca forza nada para entrar nas vivendas.

A Policía Nacional está a investigar os seus movementos xa que sobre el pesa unha orde de busca e captura.