Varios mortos e feridos tras descarrilar un tren no sur de Alemaña
As primeiras informacións dalgúns medios alemáns, a causa do accidente podería ser un desprendemento
Os servizos de emerxencia sospeitan que a plataforma da vía sería arrastrada por mor das fortes choivas
Tren descarrilado no sur de Alemaña. Foto: Thomas Warnack AFP
Un tren rexional, con polo menos cen viaxeiros a bordo, descarrilou no estado federado de Baden-Württemberg, o sur de Alemaña. No accidente quedaron feridas varias persoas e algún medios falan de varios mortos, sen que ata o de agora exista confirmación oficial de falecidos no sinistro.
O diario Schwäbische Zeitung fala de polo menos tres mortos e 34 feridos, algúns deles de gravidade, mentres se espera unha confirmación oficial.
Segundo están a falar os medios de comunicación, o ministro rexional do Interior, Thomas Strobl, está de camiño ao lugar dos feitos, que se produciron cara ás 18.10 horas (16.10 GMT).
No accidente saíronse das vías varios vagóns do tren que cubría a ruta Siegmaringen-Ulm.
Segundo as primeiras informacións dalgúns medios alemáns, a causa do accidente podería ser un desprendemento e que os servizos de emerxencia sospeitan que a plataforma da vía sería arrastrada por mor das fortes choivas.
O chanceler Merz transmitiu o pésame aos familiares das vítimas no accidente, cuxas causas se descoñecen de momento.
Equipos de rescate no tren descarrilado no sur de Alemaña. Foto: Thomas Warnack AFP
.png)
