Unha congresista demócrata e o seu marido asasinados na casa e un senador tiroteado en Minesota
O senador demócrata John Hoffman e a súa muller tamén recibiron esta mañá múltiples disparos noutro ataque
Un home que se fixo pasar por policía atacou os dous políticos cando estaban no seus respectivos domicilios
O gobernador de Minnesota considera que se trata de ataques por motivos políticos e o O presidente estadounidense apuntou que parece ser un ataque dirixido contra lexisladores estatais
A congresista demócrata Melissa Hortman e o seu marido morreron asasinados a tiros hoxe en Brooklyn Park, Minnesota, Estados Unidos, no que parece ser "un asasinato por motivos políticos", segundo informou o gobernador do estado, Tim Walz. Ao parecer, matounos un home que levaba posto un uniforme de policía
O senador demócrata John Hoffman, tamén de Minnesota, e a súa muller tamén recibiron esta mañá múltiples disparos noutro ataque, e tras someterse a unha cirurxía están agora recibindo atención sanitaria, indicou Walz.
O senador estatal John Hoffman e Melissa Hortman, foron tiroteados na súas casas familiares . Ambos representan distritos situados ao norte de Minneapolis.
O gobernador de Minnesota, Tim Walz, considera este ataque un acto dirixido de “violencia política”.
“O diálogo pacífico é a base da nosa democracia. Non resolvemos as nosas diferenzas con violencia nin a punta de pistola”, dixo.
Hortman era a máxima líder demócrata na Asemblea Lexislativa do Estado e antiga presidenta da Cámara de Representantes estatal. Foi elixida por primeira vez en 2004. Era avogada e tiña dous fillos. Hoffman, tamén demócrata, foi elixido por primeira vez en 2012.
As autoridades andan á procura do autor dos disparos, que logrou fuxir tras un tiroteo con axentes de policía.
O presidente estadounidense apuntou que parece ser un ataque dirixido contra lexisladores estatais.
.png)
.jpg)