Unha condutora resulta ferida ao caer o seu coche por unha forte pendente en Teo
A condutora baixou do coche e esqueceu poñer o freo
A muller só sufriu feridas leves ao intentar evitar a caída do vehículo
Un coche caeu por unha pendente en Teo, na urbanización dos Tilos, ao esquecerlle poñer o freo de man á súa condutora. Esta quedou ferida ao tratar de deter o suceso.
Foron os veciños da propia urbanización os que captaron as imaxes nada máis producirse o accidente. O coche caeu pola rúa, levando por diante o valado e rematou no fin da pendente, percorrendo cincuenta metros.
O vehículo xa puido ser retirado, pero para os veciños foi un tema destacado no día. Aínda así, as pegadas do sinistro aínda continuaban á vista.
"Aparcou o coche na rúa de arriba, baixouse e o coche saíu cara abaixo e caeu polo terraplén que hai alí", resolveu un dos veciños.
A pesar do forte golpe, a condutora só sufriu feridas leves e o accidente non causou danos a terceiros.
