Unha canción creada mediante intelixencia artificial trae premio para Galicia

A canción "Ailalelo", con letra e música composta mediante intelixencia artificial por creativos composteláns, acaba de quedar en segunda posición, a só sete décimas do gañador, no certame AI Song Contest 2022.

É algo así como o festival de Eurovisión da intelixencia artificial, no que Galicia competía por vez primeira.

Un ordenador aprendeu galego e compúxoa con base en cancións populares galegas sobre os costumes das costureiras, un trazo que destacou o xurado.