Unha avaría deixa sen luz durante horas algúns puntos da cidade de Lugo

O corte na subministración eléctrica produciuse ao serán. Comentan unhas veciñas que "arredor das oito e media da tarde" e que as colleu "preparando a cea".

Nunha cafetería da avenida das Américas, os prexuízos foron maiores. Afectou, di unha empregada, á caixa rexistradora, que "non podiamos cobrar", e a lavalouza "non funcionaba".

Foron apenas dez minutos de corte eléctrico. Todo apunta a que puido deberse a unha avaría nunha estación de transformación próxima. Calcúlase que os afectados foron uns 4.500 veciños da contorna da avenida das Américas, Acea de Olga e Magoi. 

Nalgúns casos, a subministración eléctrica tardou varias horas en volver. Non funcionaban as portas automáticas nin outros mecanismos e chegaron a temer que a luz non volvese durante toda a noite.