Un veciño atopa o corpo sen vida do home que desaparecera en Moaña o luns pasado

Un veciño de Moaña localizou na tarde deste mércores o corpo sen vida do home que levaba desaparecido nesta localidade pontevedresa desde o luns, segundo informan fontes da Garda Civil.  

O achado produciuse sobre as 19:00 horas deste mércores, cando este veciño camiñaba por unha zona de motocrós deste municipio pontevedrés. A Policía Local e o Concello de Moaña solicitaran colaboración para dar co paradoiro do home de 45 anos de idade. Saíra do seu domicilio para pasear, no barrio da Marrúa, sobre as 15:00 horas do luns, pero non se soubo nada máis del.