Un temporal de neve deixa varados centos de vehículos nos Andes arxentinos

Máis de 400 persoas están atrapadas dende o sábado por un temporal de neve a ambos os lados da fronteira andina entre A Arxentina e Chile. Soportan temperaturas de 20 graos baixo cero a uns 3.000 metros de altitude. Cento vinte persoas xa puideron ser rescatadas.

O resto, permanece no interior dos seus vehículos; en moitos casos, en autobuses. A policía fronteiriza abastece de auga quente e alimentos, aínda que xa empezan a escasear. Debido á falta de ventilación no interior dos vehículos, hai risco de acumulación de monóxido de carbono.