Cargando resultados...
Un home mata a coiteladas unha muller en Esplugues de Llobregat (Barcelona)
Os Mossos d'Esquadra, que detiveron o suposto agresor, investigan o caso coma un crime machista
A agresión producíuse en plena rúa. EFE/Alberto Estévez
G24.gal
02/05/2026 14:19
Última actualización 02/05/2026 14:59
Un home matou a coiteladas unha muller nunha rúa do municipio barcelonés de Esplugues de Llobregat. Tras unha breve fuga, foi detido polos Mossos d'Esquadra que pescudan o caso coma un crime machista.
De acordo cun comunicado da policía catalá, ocorreu sobre as 11:00 horas deste sábado. Unha chamada ao 112 alertou da presenza dunha muller malferida na vía pública tras unha agresión cunha arma branca.
Ata o lugar desprazáronse varias unidades do Sistema de Emerxencias Médicas que non puideron facer nada por salvarlle a vida. A División de Investigación Criminal (DEC) dos Mossos fíxose cargo das pescudas que se atopan baixo segredo xudicial.
A muller quedou malferida e morreu pouco despois. EFE/Alberto Estévez
