Un gol de Quiles devolve o Deportivo ao grupo de cabeza
A vitoria permítelles aos coruñeses superar o Sanse na clasificación
Pasouno mal no primeiro tempo, pero o Deportivo acabou gañando un partido importantísimo ante o San Sebastián de los Reyes. Foi pola mínima, logo de que o conxunto visitante non aproveitara as boas ocasións que tivo no treito inicial do choque en Riazor.
A primeira foi para Arturo, que disparou cruzado. A segunda, tras un erro de Villares. Sergio Nieto non o pensou e puso a proba a un Ian Mackay acertado neste encontro.
No primeiro acto o Deportivo non atopaba o camiño da portería contraria. A mellor opción foi a balón parado, cun remate fóra por pouco de Pablo Martínez.
Tralo descanso, o conxunto coruñés mellorou, especialmente despóis de lograr o único gol do partido, gol que chegou nunha contra resolta individualmente por Alberto Quiles. Gran conducción e definición exquisita ante Pedro López.
Era o minuto 61, e os de Óscar Cano tiveron a virtude de non pasar apuros en defensa na media hora longa que quedaba de encontro. Mesmo gozaron de oportunidades para sentenciar, pero o marcador non se moveu. O Deportivo suma agora 18 puntos, e volve a postos de playoff.
