Un liberado e outros dous feridos ao envorcar o seu coche de madrugada en Tomiño

Unha persoa tivo que ser liberada e outras dúas quedaron tamén feridas ao envorcar o seu coche este luns de madrugada en Tomiño, segundo informa o 112 Galicia.

Foi un particular quen, ao redor das 0:30 horas, contactou co 112 Galicia e explicou que un coche acababa de saír da vía e caer por un desnivel no quilómetro 10 da PO-344, en Tebra, onde acabou envorcado.

Os equipos de emerxencias encargáronse de cortar a porta do condutor para sacar a persoa atrapada no coche, que foi trasladada ao Hospital Álvaro Cunqueiro en ambulancia. Os outros dous ocupantes acudiron polos seus medios a un centro sanitario.