Un estudante armado mata unha universitaria e fire outros tres na universidade de Heidelberg

Un estudante de 18 anos irrompeu armado esta mañá nunha clase da facultade de Medicina, na universidade de Heidelberg en Alemaña, onde disparou indiscriminadamente.

Unha universitaria morreu e polo menos hai tres feridos máis no ataque suicida. O agresor que levaba varias armas de longo alcance, suicidouse posteriormente.

A policía cre que actuou só e descarta a tese dun atentado relixioso ou terrorista. Están a desenvolver unha ampla operación para confirmalo e remiten a unha próxima rolda de prensa.

Parte do campus e as rúas que o rodean están pechadas para permitir o traballo dos equipos de emerxencia.