Trump volve á carga: "Groenlandia debería estar controlada polos EUA e non por Dinamarca"

O presidente dos Estados Unidos volveu este martes á carga con Groenlandia, ao afirmar que debería estar controlada polos Estados Unidos e non por Dinamarca, que, segundo asegura, non gasta diñeiro en axudar ese territorio.

"Iso é o que danou a miña relación coa OTAN, porque Groenlandia non axuda a Dinamarca. Dinamarca non gasta diñeiro para axudar realmente a Groenlandia", dixo Trump tras a súa chegada a Ankara para participar nun cumio da OTAN.

Con todo, engadiu Trump, Groenlandia "é unha parte importante para os Estados Unidos e está rodeada de barcos chineses e rusos", e insistiu en que "Groenlandia debería estar baixo o control dos Estados Unidos, non de Dinamarca". Nese contexto, criticou que os europeos non quixesen aceptar esa idea.

"Con todo o diñeiro que gastamos para axudalos fronte a Rusia, cando en realidade non temos por que gastar nada, xa que poderiamos retirar todos os nosos soldados de Europa, porque (...) Europa é un lugar moi distinto ao que era hai 20 anos, moi diferente", declarou.

E engadiu que a Europa "máis lle vale ter coidado coa inmigración e a enerxía, porque "se non teñen coidado con esas dúas cousas, xa non haberá Europa".