Trump ameza con máis aranceis para os coches importados e elimina a lei de políticas limpas de California

O presidente dos Estados Unidos, Donald Trump, ameazou con aumentar os aranceis sobre os automóbiles importados para fomentar a produción nacional. Fixo o anuncio durante a firma dunha lei que suprime as regulacións de California, que prohibirían a venda de automóbiles a gasolina a partir de 2035 baixo o anterior presidente Joe Biden. 

Esta nova ameaza comercial chega unha semana despois de entrar en vigor a subida dos aranceis do aceiro e o aluminio ao 50 % e no medio de negociacións coa Unión Europea en canto aos aranceis sobre os vehículos

O presidente sinalou que subir os aranceis desde o actual 25 % proporcionaría maior protección á industria automotriz estadounidense. "Podería subir ese arancel nun futuro non moi afastado. "Canto máis se suba, máis probable é que constrúan unha planta aquí", declarou Trump.

Fin do plan de prohibición de venda de vehículos de gasolina para 2035

A administración Trump asinou na Casa Branca a eliminación das políticas limpas no estado de California, incluído o requisito de que os fabricantes tivesen que vender máis vehículos sostibles neste estado e a prohibición de comercialización dos modelos de gasolina para 2035. Esta medida elimina as exencións concedidas polo expresidente Joe Biden, que permitían a California impoñer estándares de emisións máis estritos que os federais.

"Rescatamos oficialmente a industria automobilística dos EUA da destrución ao poñer fin dunha vez por todas ao mandato de California sobre os vehículos eléctricos". 

As regulacións de California foran criticadas por fabricantes de automóbiles que avogan por estándares uniformes a nivel nacional.