Tres persoas quedan feridas nun accidente múltiple en Vigo
Os feridos estaban todos accesibles pero precisaban asistencia sanitaria
En Vigo, tres persoas resultaron feridas logo de producirse un accidente con tres coches implicados que circulaban pola N-555, quilómetro 6, á altura de Cabral, na localidade de Vigo.
Sucedeu ao fío das 00:30 horas desta pasada noite. Un particular chamaba a esa hora ao 112 Galicia para informar dun accidente entre tres coches. Indicaba que os feridos estaban todos accesibles pero precisaban asistencia sanitaria.
A partir de aí, os xestores do 112 puxeron os feitos en coñecemento do persoal do Servizo de Urxencias Sanitarias de Galicia-061, da Garda Civil de Tráfico, da Policía Local e tamén informaron aos Bombeiros da cidade e aos efectivos da Agrupación de Voluntarios de Protección Civil.
Finalmente, os profesionais sanitarios confirmaron o traslado de tres persoas ao centro hospitalario de referencia.
