Trashorras: "O gran déficit do Celta é un centrocampista creativo como Denis Suárez"

O ex-xogador de Celta e Raio Vallecano, que se enfrontan mañá, e actual adestrador do C. D. Lugo B Roberto Trashorras pasou por Ao contraataque para falar de diversos temas e para analizar a situación actual do equipo vigués:

"O Celta transmíteme moitas dúbidas e moita dependencia de Iago Aspas, pero hai que dar tempo ao novo adestrador para ver se consegue sacar a mellor versión dalgúns xogadores".

"O de mañá vai ser un partido moi complicado. O mínimo que teñen que facer é igualar a intensidade do Raio, e a partir de aí sacar o talento que teñen".

"O gran déficit do Celta é o mediocampo, especialmente un xogador creativo e de calidade para poder levar o ritmo do partido. Un xogador como Denis Suárez".