Publicador de contidos
Publicador de contidos

Thomas Scrubb quedou sen anotar por primeira vez na ACB

Thomas Scrubb quedou sen anotar por primeira vez na ACB

Nos 88 partidos que disputou ata a data na competición española, Scrubb unicamente quedou en oito ocasións por baixo dos cinco puntos

G24.gal 05/02/2024 18:44 Última actualización 05/02/2024 18:48

Por primeira vez desde a súa fichaxe polo Monbus Obradoiro no verán de 2021, o internacional canadense Thomas Scrubb acabou un partido da Liga Endesa sen anotar ningún punto.

Scrubb, o segundo xogador con máis minutos en pista da competición cunha media de 31 por encontro, acabou sen conseguir encestar o partido que o seu equipo perdeu onte contra o Dreamland Gran Canaria (72-81) no Multiusos Fontes do Sar.

O canadense, que cumpre a súa terceira tempada no equipo dirixido por Moncho Fernández, xa superou a barreira dos mil puntos na Liga Endesa (1.036), e é o cuarto máximo anotador da historia do club santiagués por detrás de Pustovyi (1.058), Kassius Robertson (1.431) e Alberto Corbacho (1.785).

Nos 88 partidos que disputou ata a data na competición española, Scrubb unicamente quedou en oito ocasiones por baixo dos cinco puntos. Catro deles foron na súa primeira tempada en Santiago (catro puntos ante o Baskonia na xornada 5, dous contra o Barça na 21, un contra o Unicaja na 25 e catro contra o Joventut na penúltima xornada do curso).

No campionato 2022-23, que pechou cunha media de 11,6 puntos por encontro, quedou en catro puntos na xornada 17 contra o Baskonia e en tres na 19 contra o Bilbao Basket. E no presente campionato unicamente no duelo contra o Joventut en Badalona asinou catro puntos ata o partido de onte contra o Gran Canaria.

Publicidade
Publicidade
Publicidade
Publicidade