Tere Portela, Carlos Arévalo e Adiaratou Iglesias, entre os premiados na Gala do Deporte Galego

Tras tres anos de espera pola pandemia, retomouse a celebración da gala do Deporte Galego. Unha cerimonia que tivo lugar no Auditorio de Ribeira en que vinte e dous deportistas e entidades foron galardoadas en dezaoito categorías distintas. 

Entre os premiados na gran festa do deporte galego estaban Teresa Portela e Ana Peleteiro como mellor deportista feminina e Adiaratou Iglesias como mellor deportista feminina con discapacidade. Carlos Arévalo obtivo o premio ao mellor deportista masculino e Martín de la Puente ao mellor deportista masculino adaptado.

O premio á mellor deportista revelación foi para Antía Jácome.

Tamén foi galardoado o programa da Radio Galega Galicia en xogo olímpico como mellor labor informativo. Recolleu o recoñecemento o xornalista da Radio Galega e presentador do evento Toni López.