O temporal causa asolagamentos e graves danos no Porto
As fortes chuvieiras anegaron o centro do Porto e deixaron rúas inundadas, sobre todo na zona de San Bento
O temporal de choiva e vento que castiga este sábado gran parte de Portugal causou danos materiais, inundacións e cortes de tráfico no Porto, a segunda cidade do país.
A choiva asolagou a estación de San Bento, a máis importante da cidade, e obrigou a interromper o servizo de metro e a circulación en varias zonas.
Os bombeiros recibiron 150 solicitudes de axuda en apenas hora e media, aínda que, polo momento, non se contabilizaron danos persoais.
Protección Civil lanzou o venres unha alerta por temporal durante a fin de semana en todo o país, con especial incidencia nas rexións Norte e Centro, e advertiu de que as condicións poden empeorar nas próximas horas.
As rúas inundadas, con lama e o chan levantado foron as imaxes da enxurrada no Porto.
ATENCIÓN ☔️
— Geól. Sergio Almazán (@chematierra) January 7, 2023
Reportan fuertes #lluvias e #inundaciones en #Oporto #Portugal 🇵🇹
Enero 7 de 2023
Así en Baixa do Porto!
Vía @MeteoTrasMontPT pic.twitter.com/uVMczVQ9OC
Reparacións na Baixa no Porto tras as chuvieiras
