Tasos Douvikas quere "aprender moito" de Iago Aspas

Tasos Douvikas foi presentado este martes como novo xogador céltico. O dianteiro grego, que asinou por cinco tempadas, chega despois de ser máximo goleador na Eredivisie e comezar xa a adestrarse ás ordes de Rafa Benítez.

O presidente Carlos Mouriño deulle a benvida ao futbolista:

"Vigo é unha cidade que te vai acoller con moito agarimo e entusiasmo e que espera de ti moitos goles".

Douvikas coñece a competición española e o Celta:

"Sigo a Liga desde bastante novo, vin moitos partidos do Celta e, por suposto, os tres primeiros desta tempada. Ante o Real Madrid, gustoume moito a intensidade e a forma de atacar do equipo, plantaron cara e fixeron un gran partido"

Do cadro de xogadores do Celta coñecía a Iago Aspas:

"É un gran dianteiro. É un xogador que seguín estes anos. Quero aprender moito del"

Pola mañá realizou o seu primeiro adestramento baixo as ordes de Rafa Benítez