Stellantis lanza unha revisión de 1,3 millóns de vehículos Jeep por risco de incendio

O grupo Stellantis lanzou unha operación de revisión de 1,3 millóns de vehículos todo terreo da súa marca Jeep vendidos nos últimos anos, ao detectar que nalgúns casos hai un risco de incendio por un fallo nunha conexión eléctrica.

Nunha declaración transmitida a EFE este martes, Stellantis sinalou que se vai a poñer en contacto cos propietarios deses vehículos, os modelos Jeep Wrangler e Jeep Gladiator fabricados entre 2021 e 2025, para pedirlles que contacten co seu concesionario e programen unha cita para a revisión.

Todo deriva dunha investigación interna do construtor, que determinou que algúns deles "poderían presentar un problema de conexión eléctrica no cableado da bomba de dirección asistida electrohidráulica".

A consecuencia é que "en raras ocasións isto podería provocar o sobrequentamento de materiais combustibles, co conseguinte risco de incendio do vehículo". En espera de que os mecánicos examinen o estado dos coches, Stellantis aconsella aos propietarios que os aparquen lonxe de edificios e doutros vehículos.