Special Olympics Galicia celebra 25 anos de inclusión social a través do deporte
A asociación cumpre 25 anos loitando pola inclusión dos discapacitados intelectuais
Defende o deporte como ferramenta para a saúde pero tamén para fomentar as relacións sociais
Centos de persoas acudiron hoxe no concello coruñés de Teo a unha celebración moi especial, a dos 25 anos de Special Olympics Galicia.
Esta entidade agrupa familias e profesionais que promocionan a inserción social das persoas con discapacidade intelectual pero empregando unha ferramenta especial como o deporte dende a súa faciana non competitiva, senón como catalizador de relacións sociais e como benefactor de saúde.
No acto, no que participaron, ademais das 40 entidades que forman parte da asociación, representantes institucionais da Xunta, concellos, deputacións e universidades colaboradoras, salientouse o papel do deporte como ferramenta de empoderamento e inclusión social.
