Siniestro Total despídese dos escenarios tras corenta anos de carreira

Corenta anos de carreira chegan á súa fin. Siniestro Total despídese esta fin de semana dos escenarios cun concerto dobre en Madrid. Un adeus que comezou onte á noite e que vai continuar este sábado no Wizink Center.

Non faltaron á cita exmembros da banda viguesa, entre eles, Miguel Costas, que abandonou Siniestro Total en 1994 tras poñerlle voz á súa produción máis significativa. Tamén estiveron Segundo Grandío e Alberto Torrado.

O concerto, que durou dúas horas e media, repetirase esta noite ante un público, seguramente igual de entregado, que esgotou as entradas nunha semana.