Cuéllar aproveita un erro e dálle ao Lugo tres puntos máis
O futbolista boliviano aproveitou a confusión para regatear o porteiro e marcar o único tanto do partido
34 puntos suman os de Rubén Albés, sétima vitoria da temporada e décima xornada sen perder
Minuto a minuto
Moi boas tardes!
O Lugo quere prolongar a boa xeira de nove xornadas sen perder e gañarlle o Burgos para seguir soñando coa promoción!
Catro cambios de Rubén Albés respecto a aliñación titular do encontro do pasado domingo contra o Xirona: Campabadal por Lebedenko, Juanpe por Hugo Rama, Cuéllar por Gerard e Manu Barreiro por Carrillo
|ALIÑACIÓN| 👥
— Club Deportivo Lugo (@CDeportivoLugo) January 29, 2022
Con este 1⃣1⃣ inicia o @CDeportivoLugo o seu partido de hoxe fronte ao @Burgos_CF!
👍 @oscachivaches #LugoBurgos #ForzaLugo pic.twitter.com/rqap3e1r8B
Tarde solleira no Anxo Carro
🌞😍#ForzaLugo#LugoBurgos pic.twitter.com/yHenOqa3y2
— Club Deportivo Lugo (@CDeportivoLugo) January 29, 2022
Comezou o partido!
O PRIMEIRO AVISO DE RICARD!
Boa saída do Lugo pola esquerda con Chris Ramos, o centro deste saíu rexeitado e o lateral non o dubidou. O seu remate marchou moi cedo da portería de Herrero
Fóra Campabadal!
Cada vez que pode correr o Lugo xera sensación de perigo. Outra boa carreira pola banda de Chris Ramos, cede Barreiro para o lateral esquerdo que conecta un disparo que marchou desviado
Tívoa Manu Barreiro!
Que gran centro de Cuéllar, bo desmarque do dianteiro albivermello pero o seu remate petou nun defensor burgalés
Paradón de Óscar Whalley!
Falta dende a frontal e man salvadora do gardamallas para evitar o primeiro gol rival... E outra máis! Segunda intervención consecutiva logo dunha gran xogada do conxunto burgalés
QUE PARADA ACABA DE FACER HERRERO!
Xogadón de Señé e centro fermosísimo coa perna zurda, gran remate de Cuéllar e a intervención do gardameta do Burgos opta dende xa ao top de mellores paradas da temporada
Arriba Chris Ramos!
Bo recorte cara dentro do gaditano, pero colocou mal o corpo e o seu disparo marchou moi lonxe da portería. Domina e semella controlado o partido a prol do Lugo máis alá deses dous sustos solventados por Whalley
Mellor o Lugo nestes primeiros 45 minutos, dominador do xogo e das ocasións salvo dous achegamentos do Burgos nos que tivo que intervir Whalley.
A parada de Herrero a Cuéllar para os highlights da temporada, veremos que acontece na segunda parte
Comezou a segunda parte!
Tocou Whalley!
Córner a prol do Burgos logo dun disparo fortísimo de Momo (...) ao longueiro! A xogada estaba anulada por fóra de xogo.
Case marca Ricard!
Gran disparo coa zurda dende a frontal que marchou a rentes do pau esquerdo de Herrero, está bonito o partido!
Primeiros trocos do Lugo!
Carrillo por Manu Barreiro e Orest Lebedenko por Campabadal
Sufrindo máis o Lugo nesta segunda parte, dominando o partido o Burgos a través da posesión
Arriba Señé!
Na xogada previa pedía man Chris Ramos nunha xogada dentro da área, pero balón golpéalle no peito ao futbolista burgalés
Tentouno Cuéllar!
A xogada non valía por fóra de xogo do propio futbolista boliviano, pero gran pase de Juanpe e bo intento do Lugo
GOOOOOL DE JAUME CUÉLLAR
Por diante o Lugo logo dun erro clamoroso da defensa burgalesa, que aproveitou Cuéllar para quedar só contra Herrero, regatealo con habilidade e marcar a pracer.
Probablemente xusto o que precisaba o extremo dos lucenses para coller confianza logo da saída de Valentín. O seu segundo tanto nesta tempada
Arriba Chris Ramos!
Tentan aproveitar os de Rubén Albés a confianza do gol, tentouno agora o gaditano cun remate de cabeza que marchou alto
O intento de Carrillo detido agora por Herrero, quere pechar o Lugo o partido mentres busca o empate o Burgos
Dous minutos de engadido!
Tres puntos máis para o Lugo! E xa van 34, un paso máis preto da salvación!
Cuéllar aproveitou un erro da zaga burgalesa para marcar o único tanto do partido e, porque non dicilo, facer esquecer un pouco a Gerard Valentín
