Shanghai, capital financeira da China, reabre despois de dous meses de confinamento

Despois de dous meses de confinamento por un novo gromo de coronavirus, a cidade chinesa de Shanghai recupera gran parte da súa normalidade.

As autoridades levantaron a maioría das restricións á mobilidade, pero manteñen algunhas limitacións.

Desde este mércores os 25 millóns de habitantes de Shanghai poden moverse libremente pola cidade, coller o transporte público e volver ao traballo.

A Comisión Nacional de Sanidade da China notificou onte 35 novos positivos no país, a metade deles en Pequín.