Un gromo de salmonelose afecta seis persoas no instituto de Elviña, na Coruña

Seis persoas resultaron infectadas por salmonela nun gromo detectado no instituto de Elviña, na Coruña.

Segundo informou a Consellería de Sanidade, as análises realizadas confirman seis positivos entre uns 50 alumnos.

Un dos pacientes permanece hospitalizado.

Os estudantes, pertencentes a todos os cursos, presentan síntomas como vómitos, diarrea e febre.

Un estudo epidemiolóxico iniciado por técnicos da Consellería de Sanidade da Xunta na Coruña apunta a unha intoxicación alimentaria supostamente por consumo de tortilla.

O centro non dispón de comedor, pero si dunha cafetería, que permanece pechada.