O Sergas notifica un falecemento nunha xornada de aumento dos casos activos

Os casos activos seguen o seu ascenso de forma lixeira pero continua. Hai 530 persoas con coronavirus en Galicia (+6).

Pola súa parte, descenden os novos casos detectados por probas diagnósticas (-5). En total, hai 27 contaxios novos.

Repartición dos casos activos por áreas sanitarias:

A Coruña: 137 (-7)

Vigo: 80 (+1)

Ourense: 115 (+4)

Santiago: 50 (-3)

Lugo: 46 (+8)

Pontevedra: 60 (+1)

Ferrol: 42 (+2)

En canto á ocupación hospitalaria, mantense igual ca onte: 30 persoas hospitalizadas. Hai unha persoa máis en UCI, 6 en total, e unha menos en planta, 24 en total.

Con todo, o Sergas notificou o falecemento dun home de 89 anos que fora diagnosticado por coronavirus.  O varón, que presentaba patoloxías previas, faleceu en POVISA, aínda que procedía da Residencia Clece Vitam Pardo Bazán de Vigo.

Con estes datos, o número de vítimas por mor do virus ascende a 2.653 desde o comezo da pandemia en Galicia.

Mapas de incidencia por concellos