Sebas Moyano considera "vital" o partido ante o Granada

Sebas Moyano, extremo do Lugo, considera que o partido do sábado co Granada é "vital" para o conxunto galego, que despedirá o ano como local ante un aspirante ao ascenso:

"Sabemos do potencial do Granada, un equipo deseñado para subir. Fóra de casa se cadra non está a funcionar tan ben como en casa, pero é un equipo moi bo e teremos que estar súper atentos", dixo tras recibir o trofeo Estrela Galicia ao mellor xogador de novembro no equipo galego.

Co Granada regresará ao Anxo Carro o lateral dereito Ricard Sánchez, co que Moyano conversou esta semana:

"Témoslle un agarimo moi grande, pero desexarémoslle sorte a partir do sábado porque para nós é un partido vital e os tres puntos téñense que quedar no Anxo Carro", asegurou o atacante.

O xogador andaluz mostrouse convencido de que, a pesar das dúas últimas derrotas, "o traballo" do corpo técnico que encabeza Fran Justo "dará os seus froitos pronto":

"A nosa esencia témola clara: somos fortes ao contragolpe e tentamos defender ben. Arriba temos ocasións e temos que estar claros nas áreas para definir os partidos", valorou.