Santiago de Compostela, declarada zona de mercado residencial tensionado

O Ministerio de Vivenda e Axenda Urbana publicou este mércores no Boletín Oficial do Estado (BOE) a declaración de novas zonas de mercado tensionado no ámbito do alugueiro, entre as que se atopan Santiago de Compostela, Basauri (País Vasco) e zonas de Asturias.

Santiago de Compostela incorporarase a partir do xoves (día seguinte á publicación no BOE) a unha listaxe en que, na comunidade galega, xa figuraba a cidade da Coruña, que foi declarada zona de mercado residencial tensionado hai un ano.

A proposta inicial presentada polo Concello de Santiago para declarar todo o municipio como zona tensionada foi devolta pola Xunta o pasado verán, ao considerar que non se achegara correctamente toda a documentación requirida.

Tras o cruzamento de acusacións entre ambas as dúas administracións, o Goberno local volveu presentar a solicitude, incorporando a información e as correccións solicitadas, e o Executivo autonómico deu finalmente o seu visto e prace en abril deste ano, o que permitiu avanzar na tramitación da declaración, agora publicada no BOE.

A medida, que terá unha vixencia inicial de tres anos, foi moi ben recibida pola alcaldesa de Santiago, Goretti Sanmartín, que asegurou que supón "chegar ao cabo dun importante esforzo do concello", un traballo que lles agradeceu aos servizos municipais e ao departamento de Urbanismo.

Segundo expresou, agora a cidade contará cunha ferramenta "moi importante" para "garantir o dereito dos veciños e veciñas de Santiago a unha vivenda digna", cun "amplo abanico de medidas" que permitirán facer de Santiago un municipio "mellor para vivir".

"A partir de agora vanse a aplicar tres tipos de medidas: de contención do prezo do alugueiro, de incentivos fiscais no IRPF para os arrendamentos de vivenda que cumpran certas condicións, e de maior acceso a axudas do pan estatal de Vivenda", lembrou a rexedora, que engadiu que desde o consistorio apostarán ademais pola "rehabilitación" de vivendas.

Coas novas declaracións elévanse a 317 as localidades consideradas como zonas de mercado residencial tensionado segundo o que habilita a Lei de Vivenda, o que se estende a 9,3 millóns de persoas, segundo apuntou o Ministerio que dirixe Isabel Rodríguez nun comunicado.

En concreto, a declaración de Santiago de Compostela fíxose a solicitude do concello, mentres que a do municipio de Basauri xa se publicou no Boletín Oficial do País Vasco.

Así mesmo, destaca tamén a resolución do 14 de maio da Consellaría de Ordenación de Territorio, Urbanismo, Vivenda e Dereitos Cidadáns, pola que se declaran os ámbitos da Area e Cimadevilla, no concello de Xixón, como zonas de mercado residencial tensionado.

Tamén se declarou o barrio da Magdalena, no concello de Avilés, como zona tensionada; o mesmo que Luanco, no concello de Gozón.

Esta declaración tamén se estendeu aos núcleos de Nova, Poo, Barro e Celorio, no concello asturiano de Llanes.

Con esta declaración búscase limitar os prezos do alugueiro para facilitar o acceso á vivenda.

Neste sentido, establécense topes no prezo dos novos contratos de alugueiro baseados en índices de referencia oficiais como o Sistema Estatal de Referencia de Prezos do Alugueiro (SERPAVI).

Desta forma, desde este xoves, todos os novos contratos do alugueiro teñen que estar referenciados ao prezo do contrato anterior, o que, segundo Vivenda, evita os incrementos "desproporcionados" que ocorreron ata a data.

Ademais, establécese a obrigación de que as administracións públicas executen un plan de medidas urxentes para incrementar a oferta de alugueiro para que no prazo de tres anos a situación do mercado do alugueiro fose revertida. 

O Goberno galego rexeita esta declaración de zona tensionada. Considera que retira vivendas do mercado. A conselleira de Vivenda, María Martínez Allegue, cre que a clave está en construír máis pisos protexidos e premiar aos