Sanidade e as comunidades reducen a corentena dos positivos asintomáticos a sete días
Os non vacinados que sexan contactos estreitos dun positivo tamén verán reducido o seu illamento a sete días
Acordo por unanimidade da Comisión de Saúde Pública, representada polas comunidades autónomas e o Ministerio
A vindeira semana reunirase o Consello Interterritorial de Saúde e as sectoriais de Educación e Sanidade para establecer a volta ás aulas
A Comisión de Saúde Pública, representada polas comunidades autónomas e o Ministerio de Sanidade, acordou por unanimidade reducir a corentena dos positivos por covid-19 a sete días, fronte aos dez actuais.
Igualmente os non vacinados que fosen contactos estreitos dun positivo tamén verán reducido o seu período de illamento ata os sete días, en comparación cos dez que se mantiñan ata agora.
A norma xa establecía que os vacinados que eran contacto estreito non tiñan que facer corentena.
Reunión con Educación e Universidades
A próxima semana reuniranse o Consello Interterritorial de Saúde e as conferencias sectoriais de Educación e Universidades. Carolina Darias asegurou que "o modelo educativo de presencialidade é un éxito e é o modelo do Goberno de España, porque as aulas son espazos seguros".
Minuto a minuto
Comezo da conferencia de prensa tras a Interterritorial de Sanidade
A ministra de Sanidade informa que os maiores de 70 presentan un ritmo de contaxio menor, e subliña que as vacinas funcionan
Carolina Darias asegura que a maior incidencia se atopa nos grupos de idade entre os 20 e os 29 anos e entre os 30 e 39 anos
Darias afirma que a variante ómicron ocupa xa case todo o espazo
Carolina Darias fai unha chamada á vacinación dese "porcentaxe mínimo" de persoas que aínda non o fixeron
A ministra de Sanidade informa de que máis de 48 millóns de doses foron doadas a países de América Latina e África
Establécense nas competicións deportivas unha ocupación máxima en exteriores do 75 % e o 50 % en recintos pechados, co uso obrigatorio de máscara e a prohibición de fumar, comer ou beber. Tamén se recomenda a asistencia de público local.
Darias informa dos períodos de corentena: redúcese a sete días para vacinados infectados e non vacinados con infección e contacto estreito
A próxima semana reuniranse o Consello Interterritorial de Saúde e as conferencias sectoriais de Educación e Universidades. Darias asegura que "o modelo educativo de presencialidade é un éxito e é o modelo do Goberno de España, porque as aulas son espazos seguros"
