Salvador Illa comparece na comisión de investigación do Congreso

Ao mesmo tempo que a comisión de investigación do Senado botou a andar a do Congreso. A primeira en comparecer foi a presidenta do Tribunal de Contas, Enriqueta Chicano. Sinalou que todas as deficiencias detectadas nos contratos se recolleron nos informes do Tribunal.

A partir das catro será a quenda para Salvador Illa, o que fora ministro de Sanidade. Durante a súa etapa no ministerio pecháronse a maioría de contratos para a compra de máscaras e material de emerxencia.

Illa, candidato socialista nas eleccións de Cataluña, comparecerá tamén na comisión de investigación do Senado. Alí comparecerá o mércores, dous días antes de que comece a campaña electoral en Cataluña.