Sábado de Entroido con comparsas, cigarróns, felos e moita sorna

Sábado de entroido con desfiles e actividades en moitos municipios galegos. A Coruña acolleu o tradicional desfile de comparsas e carrozas. O frío, o vento e a ameaza de chuvia non puideron coa maxia e as ganas de festa.

Tampouco no triángulo máxico de Ourense. En Verín foi o bautizo do cigarrón e en Maceda os felos percorreron as parroquias, animando coas súas danzas ao son das chocas. Este domingo continúa a festa detrás das máscaras.