Rueda lembra que Lugo é a provincia onde se espera o mellor resultado
O líder do PPdeG animou aos lucenses a amosar a fortaleza do partido nas próximas eleccións xerais
Alfonso Rueda participou na polbada de San Froilán organizada polo PP de Lugo
Alfonso Rueda pediulle aos lucenses que amosen a fortaleza do PPdeG nas próximas eleccións xerais.
Díxoo na tradicional polbada coa que os populares despiden cada ano o San Froilán e que nesta ocasión reuniu un milleiro de persoas.
Rueda dixo que Lugo é a provincia onde se espera o mellor resultado de toda España.
"Os votos que tivo o PP no ano 2023 nas xerais, cando se presentou Feijóo por primeira vez, xa foron os apios máis altos de España e ahora teñen que volver a selo. Temos que ser as catro provincias galegas o motor do cambio que ten que haber en España".
O presidente do PPdeG puxo en valor os investimentos da Xunta na provincia de Lugo, unha mostra dixo, da estabilidade e moderación de Galicia e contrapúxoo coas manifestacións violentas desta semana que, asegurou, "non nos representan".
