Rueda: "Fronte a un Goberno empeñado en subir impostos, en Galicia baixámolos"

Alfonso Rueda insiste en que o PP vai seguir baixando impostos porque é, asegura, o que a xente necesita. Díxoo na xuntanza dos populares de Mos, á que asistiron un milleiro de persoas, un acto que para Rueda é a demostración da unidade e fortaleza do seu partido.

O presidente dos populares galegos defendeu que os orzamentos da Xunta para o ano 2023, que vai presentar o martes no Parlamento, deben servir para apoiar as persoas e sectores que máis o precisan.