Rueda comprométese a impulsar o emprendemento feminino no rural
O presidente da Xunta puxo en valor o papel da muller no desenvolvemento do rural galego
Alfonso Rueda participou nas xornadas da Asociación de Familias e Mulleres do Medio Rural, Afamer
Os actos conmemorativos do Día Internacional da Muller Rural continúan esta fin de semana. O presidente da Xunta participou hoxe en Santiago nas xornadas da Asociación de Familias e Mulleres do Medio Rural, Afamer.
Alfonso Rueda puxo en valor o papel da muller no desenvolvemento do rural galego. Rueda comprometeuse a seguir traballando a prol da igualdade real de oportunidades e a impulsar o emprendemento feminino no rural.
"Esta Galicia Calidade que queremos implantar e manter alexada do ruído que se apodera de España e nada aporta e moito prexudica, ten nas mulleres unha enorme forza. Todas esas mulleres que dan un paso á fronte, que non queren que pechen explotacións e empresas no rural e que están dispostas e cada vez máis formadas teñen o noso apoio", concluíu o presidente Rueda.
