Rubén Fernández gaña a carreira de cualificación en Portugal; Prado, sexto

O Mundial de Motocrós vive esta fin semana unha das probas máis especiais para os nosos pilotos, o Gran Premio de Portugal. 

E comezou do mellor xeito posible para Rubén Fernández, que se fixo coa vitoria na carreira de cualificación. Ademais, logrouno adiantando a un Jeffrey Herlings que semellaba ser o gran favorito na carreira.

Jorge Prado non tivo tanta sorte. Caeu e perdeu varias posicións, pero finalmente conseguiu remontar ata o sexto posto. Mañá, a partir das tres da tarde, a primeira das dúas quendas deste Gran Premio de Portugal.